السلام عليكم و رحمة الله و بركاته


أولآ أحب أقول أن العنوان مكنش هايبقى كده كان هايبقى

( modern night club)

بس الى غير أن المواعيد بقت كلها بالنهار :D

يمكن يكون ده علشان الناس كمان متقولش بدل الجامعة (الكباريه) تانى بس أكيد ده يبقى غباء و تخلف علشان الأنحلال مش فى المواعيد , ده فى حجات تانية كتير, هو صحيح فى ناس كتير بتقول كلام بيتردد على الجامعة دى بس بيبقى كلام من غير علم ولا رؤية مجرد صدى كلام و ده الطبيعى فى الشعب المصرى المهم انا عايزة بقى أقول للكل الى عارف و الى مش عارف الى بيحصل و الى مابيحصلش بصراحة و من غير ما أبقى ودنية أنا هاحكى الى بشوفه و بس ...

(الشباب)

أحب أقول ان فى بنات كتير بتلبس لبس مش أوى منهم الى لبسهم ده ناتج عن عدم

أحترامهم , و منهم الى لبسهم ناتج عن ظروف خاصة , و الى ناتج عن تعود و عدم توعية من الأهل...
و الأنواع دى كلها مرت عليا و أتعملت معاهم ...
و فى نوع تانى من البنات و هم (المحجبات) و طبعآ فى منهم هما كمان أنواع .
فى المحجبة المحترمة , و فى المحجبة العيرة و فى المحجبة الى مش محجبة و طبعآ هاقول ليه؟
و فى نوع بقى تالت كده مش محجبين و محترمين ...
أحب أقول أن فى الأكادمية فى أنحلال كبير من البنات يعنى طريقة اللبس الملفتة للنظر و التصرفات الى مش محترمة زي الأعدات فى الى فى

parking

الجامعة بطريقة مش لائقة و عدم أحترامهم للجامعة كأنهم فى حديقة الأسماك

:Dوالله أنا مش بعارض الصداقة البريئة بس الى بيحصل أنا بأكد أنه مش برئ بالمرة...
ألى ينرفزك بقى أن فى فترة لما أدارة الجامعة لقت أن الكلام كتر فى الموضوع ده و سمعة الجامعة بقت سيئة لأبعد الدرجات فكروا أنهم يحطوا عسكرى أو واحد متخفى للمراقبة بس هو بصراحة كان زى قلته وكان مستفيد أوى يعنى لما كان بيشوف أثنين مع بعض فى وضع مش محترم كان بيروح يقول : لا لا لا يا شباب كده ماينفعش , يقوم الولد كده زى الشاطر يقف معاه دقتين بالظبط و بعدين يقوم مطلع حاجة من جيبه و مديهاله كده من تحت لتحت و يطلع بقى زى مايطلع (ممكن حتة بخمسة , سيجارة عادية , سيجارة ملفوفة ) أهو الى فيه القسمة

:D المهم بصراحة أن الراجل بيتعب و عمل الى عليه و قاله بس بقى المزاج ياجدعان معلش معزور

:D المهم يعنى هو لم بما فيه الكفاية و أتكل , مشوه يعنى , و هو ده الحال بصراحة يعنى أنا سعتها قولت ده راجل فلاح و على قد حاله و أهو مشى لكن الصدمة الكبيرة بقى أن المسئول المتعلم يبقى هو كمان مرتشى , و ده موضوع أخر , المهم حاليآ أنا كل الى بتكلم عليه ده جزء من الى بيحصل فى الشوارع خارج الجامعة لكن طبعآ فى أماكن تانية كتير و أشهرهم

( X-O ) و ده بقى يبقى CAFEE أمام الجامعة

أحب أعترف قبل كل شئ أنى كنت بروحه بس بعد الى شفته لا لا لا لا :D

قولولى شوفتى أيه بقى يا بت يا موجو !!!! أولآ أحب أقول أن ال

قاعدة عربى و أنا بقى معدية عليها شفت كده شباب (بنات و ولاد) قاعدين فيهم ولد و بنت أأأأ ....!!! بصوا مش هاقدر أقول غير فى وضع مخل و عادى جدآ كان شئ كأنوا بيحصل كل يوم و على العموم أنا لو فضلت أكتب من هنا للسنة الى جاية على الموضوع ده عامل أزاى عندنا فى الجامعة مش هاخلص بس كخلاصة أحب أقول أن فى عندنا بنات محترمة بس للأسف نسبتهم قليلة شوية و فى بنات محجبات و غير محجبات مش محترمات بالمرة و بيعملو الى فى بعض الولاد مش بيعملوه من المخدرات و الكحول للجنس و حجات بقى غريبة ...
أنا بقى لحظت حاجة أحب أقولها أنا لحظت أن أول ما الشهر الكريم بيهل (شهر رمضان) و البنات بتقلع أكتر و الشباب بيشربوا المخدرات أكتر و طبعآ المعظم بيبقى فاطر مسلمين شباب كتير بيفطروا علشان الدخان , أحب أقول كمان أن الخنقات بين الشباب فى الجامعة دى لا تحصى بجد لا تحصى مش عارف مين يفتح دماغ مين و مين يكسر مين أحب بقى بالمناسبة أحكلكم حدوته يا حلوين (مرة كان فى خناقة كدة بين الشباب و الأمن خدهم كلهم يتعملهم تحقيق الى بيتخانق و الى بيحوش على الى بيتفرج

ما علينا ولد منهم خرجوه بس علشان أتصل بالدكتور نبيل دعبس عميد الجامعة و قلهم خرجوه مع أن على حد علمى يعنى هو سبب المشكلة و الباقى أتعاقب) و ده موضوع تانى و أسمه (ألحقنى يا باشا ) فى النهاية أحب أقول حاجة واحدة (حسبي الله و

نعم الوكيل فى الظلم و فى الظالمين)...


مزاجك أيييييه ؟؟؟ هيع هيع هيع

(مزاجك أيه) ؟؟؟ دى كلمة بسمعة كتير على باب الجامعة و ده بيبقى سؤال بيطرح من الطلبة للآمن على الباب و الكلمة معناها باين , الرشوة بقت علنى و ده بيبقى لعدة أسباب طبعآ علشان لو فى خناقة مايتمسكوش فيها أو علشان دخول الجامعة من غير كرنيه أو لآسباب أخرى و هكذا....
و الرشوة فى مليون حاجة كمان و مش للآمن و بس , أنا بصراحة ماينفعش ألوم جامعة على أخد رشوة لأن البلد كلها ماشية بالرشاوى و كمان أنا بقول كلمة جامعة بس علشان هيا فعلآ (جامعة) , جامعة أولاد الناس على أولاد ال...!!!
بس لو هانديها أسم تانى أنا أديها ( ملهى تجميع الأموال) لأن بجد هى فقط للتجارة و تجميع الأموال يعنى بالزمة لو دى جامعة للتعليم العالى كانت هاتقبل طلبة ثانوى صنايع ولا طلبة ثانوى تجارى ...!!!
الجامعة دى ماشية بنظام على قد ماتقدر هات طلبة مش مهم بقى نفطس من كتر الزحمة و لا نتنيل نروح أخر الدنيا فى المقطم علشان خاطر البهوات عايزين يوسعوا تجارتهم شوية...
و كمان مافيش خدمة عدلة فى الباصات يعنى أنا أمبارح فضلت واقفة مستنية الباص حوالى ساعتين و نص فى المقطم و كمان بسأل عامل أمن هناك عن الباص لقيته بيقولى الله اعلم؟؟؟
قولتله طب ده مفيش مواصلات خالص من المقطم للمعادى غير بقى تاكسى و أنت عارف طبعآ أن المنطقة مقطوعة و أى بنت تخاف تركب تاكسى لوحدها هنا قام قالى بكل غلاسة و أحتقار : و الله دى بقى مش مشكلتى ...!!
أومال مشكلة مين ؟؟؟ هو أنا الى نقلت الجامعة هنا ؟؟؟ حبآ فى التراب و القرف يعنى و لا يعنى بغلس على نفسى علشان بيتى جانب الجامعة الى فى المعادى؟؟؟؟؟؟
و كمان مكنتش لوحدى كان فى كام واحد وواحدة تانين معاية الباص بيطلع يلم الطلبة أو بلفظ أوضح (النمل) الى بيجرى على الباص و الله السواق بيتخض و طبعآ الولاد الرجالة بيزقوا البنات قبل مايركبوا علشان هما يلحقوا يركبوا و يقعدوا هىهىهى و الله الرجالة ماتوا فى الحرب فعلآ ...
و الى نرفزنى بقى أن هما الى زاحمين الجامعة علشان يجيبوا أكتر فلوس ممكنة و هما الى نقلونا فى أغبى مكان فيكى يا مصر (المقطم) و محسسنا بقى أنهم عاملين الباصات دى لله , مجاملة ... أمال لو ماكوناش بندفع 7 ألاف جنيه فى السنة ده طبعآ غير الكتب و أشتراكات الباصات و ... الذى منه .....!!!!!!!! ما علينا ...
النهاية

و فى النهاية أحب أقول أن كل ده نقطة فى بحر الفساد الى مالى البلد, و مثال بسيط عن

أسلوب (الجامعات الخاصة), (جامعات تحصيل الأموال), و للحديث بقية و شكرآ.